تقلي العزوزة هاززها الواد, وانا نقلك راني صبية هزوها لعباد

يا بابا علاش متغشش عليا??

دور وجهك و أغزرلي قبل ما يهرب لحديث عليا!
اش تحبني نعمل بالشهايد و القراية والنوادي الثقافية??
شبيك ما عادش تكلمني ملي بطلت و دورت الثنية?
شبيك تقلي تبدلت عليا??
تي هاني نحرك والثقافة تجيني عن طريق الشبكة العنكبوتية!!
محسوب جد عليك فل دنيا نجم نعمل ألف صاحب نحكي عليهم و يحكيو بيا?
تي هاني من قدام هل سخطة ما نتحركش و يا حسرة على شبابي و خرجاتي! هاني مهدودة و شادة الثنية!!
قداش من كونت و قداش من وجه نبدل من مرة لمرة فماشي ما يفيقوا بيا?!!
حتى من لبلوغ عملت أما مازل ناقصني اللغة الحية!! شبيك راني من أصحاب القضية!!
يا بابا شبيك تقلي العزوزة هاززها الواد, وانا نقلك راني صبية هزوها لعباد!!
ما تقوليش شبي ربك هوني عندي خمسين رب نعبد فيه, من لطفي و عماد, إلى حسنية 
و بنات سعاد!! 

راهي فرصة لا تعاد!! 

ما عادش تقلي ربك, اتو نعديهولك ربي في ليان ولا في أدراس, يجاوبك و يحكي معاك منو ليك, خير من لاخر إلي ما عندوش جواب!!
يا بابا راني كي نتعدى في شارع ما يغزرلي حد, و ما يبزنسني حد, و ما يبرتاجيني حد!!
أما هوني راني بش نولي للا اكسي ناج!!

من أصحاب التاج!!
نسد بيه بدر شاكر السياب والخمسين ألف كتاب!! يا بابا ايج نقرالك للي ولاو كتاب!! كنت نحارب فيهم هوما و جماعة بو لحية ياخي قعدت وحدي كل كلاب!!
هاني مركزة و باش نخدم روحي و نتبعهم , اخترتهم هومة أسهلي من أصحاب الكتاب والحجاب!!
ماني يخلف عليا ربي كنت بيدون فارغ لا نحب هاذم, ولا هاذم, عندي رايي, عندي كلمتي, عندي ثنيتي, ياخي تلزيت باش نختار!!

أما خير هكا ولا ينبزوني الحقار??!!
رد بالك تقلي اش خاصك يا بنتي, راهو خاصني القد والزين, لفلوس, والحمير
و طلامس عل عينين!!
اش قعد يا بابا?? وجهك و وجهي?? سكاتك و كلامي?, أيا يا بابا نبقيك على خير, 
ما غير ما تعيطلي راني نسيت إسمي, محيت جسمي,
تنادي وحدة تخرجلك ألف,
و تفيييييييه عليا, راني لييييكس!! و باش نلعب بال قحبولجيا لعب!! 
شفت يا بابا شفت?? مزلت تشوف فيا?? 
هاني بديت نولي...منهم..هاني بديت نولي...

 à moi même..et qq autres de moi..